fim. 21. maí 2015 17:23
Gary Martin í baráttu við Stefán Ragnar Guðlaugsson í gærkvöld.
Gary Martin missir af fjórum leikjum

Enski framherjinn Gary Martin mun líklega ekkert spila með KR næstu 3-4 vikur eftir að hann meiddist í hné í leiknum gegn Fylki í Pepsi-deildinni í gærkvöld.

Fram kemur á vef 433.is að tognað hafi á liðböndum í hné Garys.

Fari svo að hann verði frá keppni næstu þrjár vikurnar er ljóst að hann missir af bikarleiknum við Keflavík, sem og leikjum við ÍBV, Keflavík og Val í deildinni. Hann gæti hugsanlega náð heimaleik við ÍA þann 15. júní.

Gary hefur skorað eitt mark á tímabilinu til þessa, úr vítaspyrnu, en hann varð markakóngur í fyrra með 13 mörk.

til baka