Rúrik Gíslason, landsliðmaður í knattspyrnu, lék allan leikinn á hægri vængnum þegar hann og félagar hans í Nürnberg báru sigurorð af Fortuna Dusseldorf með einu marki gegn engu í næstefstu deild í Þýskalandi í dag.
Rúrik fékk gult spjald undir lok leiksins.
Nürnberg lyfti sér upp í tíunda sæti næstefstu deildar í Þýskalandi með sigrinum í dag, en liðið er með sjö stig eftir fimm umferðir.
Rúrik er á sínum stað í landsliðshópi Íslands sem mætir Hollandi á fimmtudagskvöldið næstkomandi á Amsterdam Arena og Kasakstan á Laugardalsvellinum á sunnudaginn eftir slétta viku.