Fylkir og ÍA mættust í 18. umferð Pepsideildar karla í knattspyrnu á Fylkisvelli kl. 18 og lauk leiknum með markalausu jafntefli.
Fylkir er með 22 stig í 6. sæti en ÍA með 19 stig í 9. sæti, fjórum stigum frá fallsæti. ÍBV er nú með 18 stig og Leiknir er með 15 stig í 11. sæti.
Úrslitin gefa svo sem ágæta mynd af leiknum. Dauðafærin voru ekki mörg. Fylkismenn voru betri á heildina litið en nýttu sér það ekki.
Skagamaðurinn Arnar Már Guðjónsson var rekinn af leikvelli á 68. mínútu þegar hann fékk sitt annað gula spjald.
Fylkismaðurinn Tonci Radovinkovic sem leikið hefur vel í miðverðinum í sumar fór af velli vegna meiðsla í fyrri hálfleik.