Einar Karl Ingvarsson tryggði Valsmönnum sigur á Þrótti, 3:2, í B-riðli Reykjavíkurmóts karla í knattspyrnu í Egilshöllinni í kvöld.
Þróttarar komust tvisvar yfir í fyrri hálfleik, Brynjar Jónasson skoraði og Valsmenn gerðu sjálfsmark, en Nikolaj Hansen jafnaði í tvígang og staðan var 2:2 í hálfleik. Einar Karl skoraði síðan sigurmarkið um miðjan síðari hálfleik, með góðu skoti utan teigs.
Fjölnir vann Leikni R., 1:0, í sama riðli en þar skoraði Þórir Guðjónsson sigurmarkið á 13. mínútu.
* Fréttin var leiðrétt en á leikskýrslu í gærkvöld var skráð að Sveinn Aron Guðjohnsen hefði skorað sigurmarkið.