Sumarið er komið og landsmenn hafa notið sólríkra daga undanfarna viku. Með hækkandi sól fækkar þykku peysunum í fataskápnum og sumarlegri fatnaður laumast þangað inn í staðinn – en hvað ætli verði vinsælt í sumar?

Á óskalista vikunnar finnur þú tíu hluti sem tískusérfræðingar spá að verði það allra heitasta í sumar!

Þau eru komin aftur!

Manstu þegar ekkert dress var fullkomið án þess að innihalda stórt og áberandi belti? Eftir að hafa legið í djúpum dvala síðastliðinn áratug eru stóru beltin komin aftur í tísku!

Kúrekaæðið heldur áfram!

Sannkallað kúrekaæði hefur heltekið tískuheiminn á undanförnum vikum og virðist allt stefna í að kúrekahattar verði vinsælasti fylgihluturinn meðal tískudrottninga um allan heim. Það er því nauðsynlegt að tryggja sér einn slíkan fyrir sumarið!

https://www.mbl.is/smartland/tiska/2024/04/16/er_islenska_sumarkonan_skyggn/

Rómantíkin blómstrar!

Rómantíkin verður í loftinu í sumar þegar sumarföt með blómum af ýmsum gerðum verða dregin fram. Blómin verða áberandi í klæðnaði tískudrottninga í sumar, hvort sem það eru litrík blómamynstur eða flíkur skreyttar með upphleyftum blómum eins og þessi fallegi toppur frá Zara er!

Hlébarðatískan!

Hlébarðamynstrið hefur verið að gera allt vitlaust að undanförnu og virðast vinsældir þess bara fara vaxandi. Hvern dreymir ekki um að mæta í þessu tryllta setti frá Ganni á æfingu í sumar?

Þessi sem fer aldrei úr tísku!

Ef það er eitthvað sem fer aldrei úr tísku þá er það góður ilmur og ljómandi húð. Þessi dásamlega olía, Coco Mademoiselle frá Chanel, hittir alltaf beint í mark!

Sjóðheitt sumarlúkk!

Í sumar verður nóg um hvítan og gegnsæjan fatnað, hvort sem það eru kjólar, pils eða toppar. Þessi fallegi kjóll er fullkomin til að gera fataskápinn aðeins sumarlegri – hann er einstakur en samt stílhreinn.

Óvænt og skemmtilegt!

Í sumar megum við búast við að sjá tískudrottningar taka hefðbundnar flíkur, eins og stutterma- eða hlýraboli, á næsta „level“ með skemmtilegum og óvæntum „cut out“ sniðum. 

„Næntís“ endurkoma!

Sólgleraugnatískan verður spennandi í sumar og eflaust einhverjir sem geta dustað rykið af gömlum gersemum sem leynast aftast í fataskápnum!

Meira kúrekaæði!

Það eru ekki bara kúrekahattarnir sem verða áberandi í sumar heldur líka kúrekastígvélin!

Galla-allt!

Í sumar verður gallaefnið sjóðheitt og möguleikarnir endalausir þar sem fátt þykir jafn töff og að para saman gallajakka, gallabuxur og jafnvel gallavesti undir. Svo er alltaf klassískt að skella sér í flottan gallasamfesting!