Senda inn efni
Kristján Einar Kristjánsson á fullri ferð. mbl.is
Dómaraúrskurður færði Kristján Einar í 4. sæti
Dómaraúrskurður FIA frá Opnu Evrópsku Formúlu 3 mótaröðinni á Spa um síðustu helgi breytti röð efstu manna í keppninni um Copa bikarinn, sem Kristján Einar Kristjánsson keppir í.
"FIA dómararnir eru mjög nákvæmir og ég átti frekar von á þessari niðurstöðu, því þótt ég hafi ekki átt aðild að atvikinu sem dæmt var á þá gerðist það beint fyrir framan mig í brautinni og var klárlega gróft brot," sagði Kristján Einar.
Atvikið varð undir lok kappakstursins þegar Bruno Palli frá Venezuela ók fyrir spænska keppandann Edgar Fernandez með þeim afleiðingum að Fernandez endaði utanbrautar með stórskemmdan bíl. Niðurstaðan færði Kristján Einar úr fimmta sæti í það fjórða.
Opna Evrópska mótaröðin í Formúlu 3 heldur nú til Bretlands, en næstu umferðir verða á laugardag og sunnudag á Donnington brautinni og Kristján Einar mætir þangað í æfingar og undirbúning nk. fimmtudag.
Til baka