Þór fær bakvörð frá Breiðabliki

Þór hefur fengið hægri bakvörðinn Alfons Sampsted á láni frá Breiðablik. Honum er ætlað að fylla skarð Gísla Páls Helgasonar sem snýr til náms í Bandaríkjunum í næsta mánuði.

Alfons er fæddur 1998 en hefur æft með meistaraflokki Breiðabliks í tvö tímabil. Hann hefur komið við sögu í einum leik hjá Blikum í sumar. 

„Ég hef mikla trú á að Alfons geti staðið sig feykilega vel og hjálpað okkur Þórsurum í þeirri miklu barráttu sem framundan er. Hann er mjög kraftmikill og öflugur leikmaður, með mikinn hraða og gríðarlega hlaupagetu,“ sagði Halldór Jón Sigurðsson, þjálfari Þórs við heimasíðu félagsins.

• Blogga um frétt