Indriði kynntur til leiks hjá KR í dag?

Indriði Sigurðsson í baráttu við gamla FH-inginn Alexander Söderlund.
Indriði Sigurðsson í baráttu við gamla FH-inginn Alexander Söderlund. Ljósmynd/viking-fk.no

KR-ingar hafa boðað til fréttamannafundar í dag þar sem kynntur verður til leiks nýr leikmaður hjá félaginu.

Flest bendir til þess að sá leikmaður sé Indriði Sigurðsson, fyrirliði norska úrvalsdeildarliðsins Viking, en hann tók þá ákvörðun í sumar að þetta yrði hans síðasta tímabil í Noregi og flytur hann heim til Íslands að því loknu.

Indriði er uppalinn KR-ingur og lék með liðinu áður en hann hélt út í atvinnumennskuna árið 2000.

mbl.is
Fleira áhugavert
Fleira áhugavert