Knattspyrnudeild Vals hefur staðfest að Sandra Sigurðardóttir, landsliðsmarkvörður úr Stjörnunni, sé gengin til liðs við félagið og hafi samið til þriggja ára. Þetta kemur fram á vef Vals.
Sandra er 29 ára og á langan meistaraflokksferil að baki, fyrst með Þór/KA/KS og síðan með Stjörnunni frá 2005. Hún er sjöunda leikjahæst allra knattspyrnukvenna í efstu deild hér á landi með 208 leiki og hefur spilað 11 landsleiki fyrir Íslands hönd.