Róbert Örn Óskarsson var í essinu sínu er Víkingur Reykjavík sigraði FH 1:0 á Víkingsvelli í næstsíðustu umferð efstu deildar karla í knattspyrnu í dag. Hann segir tímabilið þó í heildina hafa verið vonbrigði.
Róbert samdi við Víking fyrir tímabilið, en hann kom einmitt frá Íslandsmeisturum FH. Hann hefur átt fínt sumar í Víkinni en vonaðist þó eftir betra gengi.
Hann stóð vaktina í markinu gegn FH-ingum í dag, hafði nóg að gera og varði oft á tíðum afar vel.
„Það er alltaf gaman að halda hreinu og ná í þrjú stig gegn Íslandsmeisturunum. Það var nóg að gera hjá okkur markmönnunum, opinn leikur og við stóðum fyrir okkar,“ sagði Róbert við fjölmiðla eftir leik.
„Við vorum með 21 stig í fyrra og erum með 29 stig núna. Þetta eru vonbrigði. Ég er metnaðarfullur en ég kom ekki í Víking til að gera ráð fyrir titli á fyrsta tímabili hérna. Það eru þó margir ljósir punktar eins og Óttar og Viktor. Það eru margir ungir leikmenn að koma upp og standa stig vel,“ sagði hann að lokum.