KR hafði betur gegn Fjölni í A-deild Lengjubikarkeppninnar í knattspyrnu en liðin áttust við í Egilshöllinni í kvöld.
KR-ingar gerðu út um leikinn í fyrri hálfleik en staðan eftir hann var, 3:0. Kennie Knak Chopart, Skúli Jón Friðgeirsson og Morten Beck skoruðu mörkin. Gunnar Már Guðmundsson, herra Fjölnir, kom inná í seinni hálfleik og minnkaði muninn um miðjan seinni hálfleik.
KR er með fjögur stig eftir tvo leiki en Fjölnir er án stiga.
Markaskorarar voru fengnir hjá úrslit.net.