Enski miðvörðurinn Michee Efete mun leika einn leik til viðbótar fyrir Breiðablik í Pepsi-deildinni í knattspyrnu áður en hann heldur heim til Englands. Þetta staðfesti hann á Twitter. Efete hefur verið á láni hjá Breiðabliki frá Norwich og staðið sig með prýði.
Hann átti upprunalega að halda heim á leið eftir leikinn við Grindavík í gær, en hann hefur nú ákveðið að taka einn leik til viðbótar. Breiðablik mætir FH 3. júlí næstkomandi og verður það síðasti leikur Efete hér á landi.