Grindavík vann í kvöld 2:1-sigur á Fylki í lokaleik 10. umferðar Pepsi-deildar kvenna í knattspyrnu.
Um mikinn fallbaráttuslag var að ræða en Fylkir hefði með sigri getað sent Grindavík niður í fallsæti. Þess í stað er Grindavík nú með 9 stig í 7. sæti, fimm stigum fyrir ofan Fylki sem er í 9. sæti. Grindavík hafði tapað sex leikjum í röð fyrir leikinn í kvöld.
Carolina Mendes kom heimakonum í Grindavík yfir strax í upphafi seinni hálfleiks, en Thelma Lóa Hermannsdóttir jafnaði metin jafnharðan. Sigurmark Grindavíkur kom svo á 61. mínútu en samkvæmt Fótbolta.net var það með klaufalegra móti. Ásta Vigdís Guðlaugsdóttir, markvörður Fylkis, sló boltann inn eftir hornspyrnu Grindavíkur.
Upplýsingar um markaskorara eru af fótbolta.net.