Stjarnan hefur hafnað þremur tilboðum frá félögum í norðurlöndunum í knattspyrnumanninn Hólmbert Aron Friðjónsson. Þetta kemur fram á fotbolti.net í dag en um er að ræða félög í efstu og næstefstu deild.
Hinn 24 ára gamli Hólmbert Aron kom til Stjörnunnar frá KR í fyrra en hann hefur leikið sem atvinnumaður hjá Bröndby í Danmörku og Celtic í Skotlandi.
Victor Ingi Olsen, rekstrarstjóri meistaraflokks hjá Stjörnunni segir líklegt að Stjarnan og Hólmbert muni ræða saman að tímabili loknu og gæti framherjinn þá fært sig um set.