Felix á faraldsfæti á næstunni

Felix Örn Friðriksson, sem lék 21 leik með ÍBV í Pepsi-deild karla á síðustu leiktíð alla jafna sem vinstri bakvörður, mun halda til Englands á morgun og æfa með enska B-deildarliðinu Wolves. Þetta kemur fram í frétt á fotbolti.net. 

Felix Örn, sem er fæddur árið 1999, hefur alls leikið 40 leiki fyrir ÍBV í deild og bikar, en hann varð bikarmeistari með ÍBV í sumar. Þá hefur Felix Örn verið í byrjunarliði íslenska U-21 árs landsliðs Íslands í fyrstu þremur leikjum liðsins í undankeppni EM 2019. 

• Blogga um frétt