Hægri bakvörðurinn Rakel Hönnudóttir lék afar vel og lagði upp mark gegn Þýskalandi á föstudaginn. Hún býst við erfiðum leik í Tékklandi.
Rakel segir þær tékknesku vera mjög sterkar en Ísland mætir Tékklandi í dag í Znojmo klukkan 16 að íslenskum tíma.
„Þær töpuðu 0:1 og það var sjálfsmark sem Tékkarnir gerðu. Þær stóðu vel í Þjóðverjunum og áttu fullt af færum í þeim leik. Þær eru bara með mjög fínt lið,“ sagði Rakel meðal annars en viðtalið við hana í heild sinni er að finna í meðfylgjandi myndskeiði.