Knattspyrnulið Stjörnunnar hefur orðið fyrir áfalli eftir að markvörðurinn Guðjón Orri Sigurjónsson sleit hásin á æfingu í gærkvöldi.
Þetta er fullyrt á fotbolti.net í morgun, en Guðjón Orri er sagður þurfa að fara í aðgerð og verður frá næstu 5-6 mánuðina. Hann ætti því að geta snúið aftur í upphafi næsta keppnistímabils í Pepsi-deild karla.
Guðjón Orri er nýkominn aftur til Stjörnunnar eftir að hafa verið á mála hjá Selfossi í sumar, en hann er uppalinn hjá ÍBV.