Íslenska U17 ára landslið drengja í knattspyrnu tapaði fyrir Ísrael í öðrum leik sínum á alþjóðlegu móti í Hvíta-Rússlandi í dag, 3:0.
Ísland vann Slóvakíu í fyrsta leik sínum á sunnudag þar sem Karl Friðleifur Gunnarsson, leikmaður Breiðabliks, skoraði sigurmarkið í fyrri hálfleik en í dag voru Ísraelar sterkari aðilinn. Staðan var 1:0 í hálfleik og eftir hlé fékk íslenska liðið tvö mörk á sig til viðbótar.
Ísland mætir Rússlandi á morgun og eftir það er spilað um sæti, en í hinum riðli mótsins eru Finnland, Belgía, Hvíta-Rússland og Litháen. Mótið er liður í undirbúningi liðsins fyrir milliriðla í undankeppni EM 2018
Byrjunarlið Íslands í dag:
Ómar Castaldo Einarsson
Finnur Tómas Pálmason
Brynjar Snær Pálsson
Egill Darri Makan Þorvaldsson
Sölvi Snær Fodilsson
Guðmundur Axel Hilmarsson
Davíð Snær Jóhannsson
Baldur Logi Guðlaugsson
Andri Fannar Baldursson
Viktor Andri Hafþórsson
Mikael Egill Ellertsson