Sigrún Ella komin með leikheimild

Sigrún Ella Einarsdóttir er komin í Stjörnuna á nýjan leik.
Sigrún Ella Einarsdóttir er komin í Stjörnuna á nýjan leik. mbl.is/Golli

Knattspyrnukonan Sigrún Ella Einarsdóttir er komin með leikheimild hjá Stjörnunni en hún kemur til félagsins frá Fiorentina þar sem hún hefur verið síðan í ágúst á síðasta ári. 

Sigrún varð ítalskur bikarmeistari með Fiorentina og hafnaði í þriðja sæti efstu deildar þar í landi. Hún spilaði 14 af 22 leikjum Fiorentina í ítölsku deildinni, en var mikið á varamannabekknum og hóf sex leikjanna í byrjunarliðinu.

Sigrún Ella hefur leikið 92 leiki í efstu deild Íslands og skorað í þeim 20 mörk. Hún á tvo A-landsleiki að baki. Hún lék í fjögur ár með Stjörnunni áður en hún fór til Ítalíu og þar áður lék hún með FH. 

mbl.is
Fleira áhugavert
Fleira áhugavert