KR skellti Stjörnunni
Jóhann Ólafsson
Setja bókamerki
KR sigraði Stjörnuna 1:0 í 13. umferð Pepsi-deildar karla á KR-vellinum nú síðdegis. KR-ingar eru komnir upp í fjórða sæti deildarinnar með 20 stig en Stjarnan er með 25 í öðru sæti.
Fyrri hálfleikurinn var bráðfjörugur en aðstæður til knattspyrnuiðkunar voru nánast fullkomnar; smá úði og völlurinn blautur og grasið grænt og vænt.
Liðin skiptust á að skapa sér ágætisfæri en það var gamla kempan Óskar Örn Hauksson sem skoraði eina mark hálfleiksins. Hann tók aukaspyrnu rétt utan vítateigs á 30. mínútu og þrumaði boltanum upp í samskeytin. Staðan 1:0 fyrir KR að loknum fyrri hálfleik.
Garðbæingar voru mun meira með boltann í seinni hálfleik en tókst ekki að skapa sér hættulegt færi gegn þéttri og vel skipulagðri vörn KR-inga.
Besta færi hálfleiksins fékk KR-ingurinn André Bjerregaard en Haraldur Björnsson í marki Stjörnunnar varði dauðafæri hans vel.
1:0-sigur KR staðreynd en þetta var í fyrsta skipti í deildarleik í sumar sem Stjörnumönnum mistekst að skora.
| KR | 1:0 | Stjarnan |
|
|---|---|---|---|
| Þorsteinn Már Ragnarsson (Stjarnan) á skot framhjá Dauðafæri. Eftir mikinn barning í vítateig KR-inga dettur boltinn fyrir Þorstein Má. Hann hittir boltann hræðilega og hálfpartinn skóflar honum yfir eða framhjá markinu. | |||
Myndskeið: „Fólk var komið ískyggilega nálægt“
Áköf mótmæli í bandarískum háskólum
„Þetta náttúrulega endar með ósköpum“
Átta morðmál á aðeins tólf mánuðum
Fiskikóngurinn: „Mér fannst sárt að heyra það“
Búið að bólusetja börn alla helgina
„Þetta er pínu óvanaleg staða“
Sáttur við sína stöðu og finnur fyrir meðbyr