Alfreð Finnbogason skoraði eina mark Íslands í Þjóðadeildinni í fótbolta til þessa er hann minnkaði muninn í 2:1 á móti Sviss fyrir mánuði síðan á Laugardalsvelli. Markið var aldeilis glæsilegt; langskot upp í hornið.
Enski miðillinn Sky Sport tók saman myndband með flottustu mörkum keppninnar til þessa og það kemur ekki sérstaklega á óvart að mark Alfreðs sé á lista.
Alfreð verður væntanlega í framlínu íslenska liðsins er það mætir Belgíu í lokaleik sínum í Þjóðadeildinni í kvöld. Mark Alfreðs má sjá hér fyrir neðan ásamt öðrum fallegum mörkum í keppninni.