Ekkert aðhafst vegna ummæla Þórarins Inga
Setja bókamerki
Aga- og úrskurðarnefnd KSÍ virðist ekkert ætla að aðhafast frekar varðandi fordómafull ummæli sem Þórarinn Ingi Valdimarsson, leikmaður Stjörnunnar, lét falla í leik gegn Leikni R. í Lengjubikarnum á dögunum.
Þórarinn Ingi lét fordómafull ummæli falla um geðsjúkdóma í garð Ingólfs Sigurssonar, sem hefur talað opinskátt um baráttu sína við geðsjúkdóma. Þorvaldur Árnason dómari heyrði ummælin og rak Þórarin umsvifalaust af velli með rautt spjald.
Á fundi aganefndar í dag var Þórarinn úrskurðaður í eins leiks bann vegna brottvísunar, en ekkert var frekar tekið fram varðandi málið.
Þar sem Þórarinn fékk rautt spjald var fyrir fram ljóst að hann færi sjálfkrafa í leikbann. Hins vegar voru uppi vangaveltur um hvort aganefnd KSÍ myndi taka málið sérstaklega fyrir þar sem ummælin gætu flokkast undir mismunun. Hefði það getað varðað enn lengra banni.
Bannið gildir aðeins í Lengjubikarnum og því mun Þórarinn Ingi ekki taka það út fyrr en keppnin hefst að nýju í byrjun næsta árs, þar sem Stjarnan spilar ekki fleiri leiki í keppninni í ár. Þórarinn Ingi baðst afsökunar á ummælum sínum og tók ábyrgð á atvikinu í gær.
Hjón sluppu með skrekkinn
Starfsfólk gæti fengið reikning frá Skattinum
Fjárfestingin 115 milljarðar króna
„Menn eru bara búnir að forgangsraða“
Innviðir þandir og álagið „gríðarlegt“
Benda á Samgöngustofu sem bendir út í heim
Markaðurinn hitnar og leiguverð hækkar hratt
Aðeins ein leið fær í Grindavíkurmálum