Dalvík/Reynir fór upp um fimm sæti og upp í tíu stig með 3:2-útisigri á Kára í lokaleik sjöundu umferð 2. deildar karla í fótbolta í dag. Kári er hins vegar áfram í ellefta og næstneðsta sæti.
Kári byrjaði betur og Stefán Ómar Magnússon kom Skagaliðinu yfir á 13. mínútu. Aðeins þremur mínútum síðar skoraði Eggert Kári Karlsson sjálfsmark og jafnaði fyrir Dalvík/Reyni.
Andri Júlíusson kom Kára aftur yfir á 22. mínútu en Snorri Eldjárn Hauksson jafnaði í 2:2 á 33. mínútu og þannig var staðan í hálfleik. Aðeins eitt mark var skorað í seinni hálfleik og það gerði Númi Kárason á 53. mínútu og þar við sat.