Guðmundur enn og aftur í Safamýrina

Knattspyrnumaðurinn Guðmundur Magnússon er kominn til liðs við Framara og leikur með þeim á komandi keppnistímabili.

Hann snýr þar með aftur í Safamýrina en Guðmundur lék með meistaraflokki Fram frá 2007 til 2011, aftur árið 2014 og í þriðja sinn tímabilin 2017 og 2018. Hann skoraði 18 mörk fyrir Framara í 1. deildinni 2018 en hefur síðan leikið með ÍBV, Víkingi í Ólafsvík og Grindavík undanfarin þrjú ár.

Guðmundur, sem er 29 ára gamall, hefur skorað 51 mark í 126 leikjum í 1. deild á ferlinum og 8 mörk í 71 leik í úrvalsdeildinni. Hann spilaði með Víkingi í Ólafsvík á árunum 2011 til 2013, með HK 2014 og 2015 og með Keflavík 2016.

• Blogga um frétt