Dagur Dan Þórhallsson knattspyrnumaður er á leið til Breiðabliks samkvæmt frétt á Fótbolti.net.
Þar er fullyrt að félagaskiptin gangi í gegn á næstu dögum. Dagur mun ef rétt reynist hafa félagaskipti frá Mjöndalen í Noregi.
Norska liðið lánaði Dag til Fylkis síðasta sumar en á yngri árum lék hann bæði með Haukum og Fylki.
Fylkir féll úr efstu deild í sumar og leikur því í næstefstu deild á næsta tímabili.