„Albert er einn af okkar bestu leikmönnum í dag,“ sagði Ragnar Sigurðsson, fyrrverandi landsliðsmaður Íslands í knattspyrnu, í Fyrsta sætinu, íþróttahlaðvarpi mbl.is og Morgunblaðsins, þegar rætt var um Albert Guðmundsson.
Albert, sem er 25 ára gamall, á að baki 33 A-landsleiki en hann hefur ekki átt fast sæti í liðinu á undanförnum árum.
„Ég held að hann þurfi bara þjálfara sem talar til hans á réttan hátt og nær að hvetja hann áfram til þess að sinna þessu mikilvæga varnarhlutverki,“ sagði Ragnar.
Umræðan um íslenska landsliðið hefst á 11:00 mínútu en hægt er að hlusta á umræðuna í heild sinni í spilaranum hér fyrir ofan. Þátturinn er einnig aðgengilegur á öllum helstu hlaðvarpsveitum.