Senda inn efni
Ivica Vastic tekur hér vítið sem réði úrslitum. Reuters
Pólski forsætisráðherrann vildi drepa Howard Webb
Bloggað um fréttina
-
Snorri Örn Arnaldsson...og fólki finnst skrítið að það vanti alltaf…
Donald Tusk, forsætisráðherra Póllands, viðurkenndi í dag að hafa viljað enska dómarann Howard Webb feigan vegna vítaspyrnudóms þess síðarnefnda í leik Austurríkis og Póllands á EM í knattspyrnu í gær.
„Í dag verð ég að tala sem forsætisráðherra en í gærkvöld talaði ég á öðrum nótum. Mig langaði, líkt og alla aðra Pólverja, að drepa einhvern og þið vitið vel hvern,“ sagði Tusk í samtali við fjölmiðla í dag.
Vítið sem dæmt var á Pólland kom á lokaandartökum leiksins og varð til þess að Austurríki jafnaði metin, og þar með eru litlar sem engar líkur til þess að Pólland komist upp úr B-riðlinum.
„Dómarar gera auðvitað villur en þessi var sérstaklega slæm. Þetta var algjörlega ósanngjarnt og særði okkur öll. Það hefði verið skárra að tapa leiknum í fyrri hálfleik þegar Austurríki fékk nokkur góð færi,“ sagði Tusk, sem er mikill knattspyrnuunnandi.
Til baka