Liverpool gerir sér góðar vonir um að geta teflt framherjanum Daniel Sturridge fram í leiknum gegn Norwich um helgina.
Sturridge, sem er annar markahæsti leikmaður ensku úrvalsdeildarinnar með 20 mörk, fór af velli um miðjan seinni hálfleik í sigri Liverpool á móti Manchester City um síðustu helgi. Sturridge fann fyrir meiðslum og var talið að hann hefði tognað í læri en komið hefur í ljós að meiðslin eru minniháttar og líkur eru á að hann verði með gegn Norwich.