Arsenal getur tryggt sér sæti í riðlakeppni Meistaradeildarinnar 17. árið í röð takist liðinu að leggja tyrkneska liðið Besiktas á Emirates Stadium í kvöld.
Liðin mætast í síðari viðureigninni í umspili um sæti í riðlakeppninni en markalaust jafntefli varð niðurstaðan í fyrri leiknum í síðustu viku.
Besiktas þarf að gera það engu öðru tyrknesku liðinu hefur tekist að gera, það er að skora á móti Arsenal í London. Í fyrra sló Arsenal lið frá Tyrklandi út í umspilinu en liðið hafði betur á móti Fenerbache, samanlagt, 5:0.
Það eru forföll í liði Arsenal. Oliver Giroud er til að mynda meiddur sem og þeir Yaya Sanogo, Theo Walcott og fyrirliðinn Mikel Arteta og Aaron Ramsey tekur út leikbann.