Mourinho: Frábært fyrir alla nema mig

Jose Mourinho var ekki alveg sáttur þrátt fyrir sigurinn.
Jose Mourinho var ekki alveg sáttur þrátt fyrir sigurinn. AFP

Jose Mourinho, knattspyrnustjóri Chelsea, var ekkert sérstaklega sáttur eftir markaveislu dagsins þar sem Chelsea lagði Everton í níu marka leik, 6:3.

„Þetta var frábært fyrir alla sem horfðu á hvort sem var á vellinum eða í sjónvarpinu um allan heim, en ekki fyrir mig. Við getum ekki gert svona mörg mistök varnarlega. Við viljum bæta okkur sem lið og þá þarf að hafa styrk í vörninni. Við sýndum í dag að við erum að bæta okkur á ýmsum stöðum en ekki í vörninni,“ sagði Mourinho.

„Liðið nýtur þess að spila boltanum sín á milli og það er mjög mikilvægt, en við megum ekki gera svona mörg mistök. Við fengum mark á okkur eftir aukaspyrnu í dag og ég get ekki verið ánægður að fá svo fáránlegt mark á sig,“ sagði Mourinho.

Chelsea hefur byrjað tímabilið frábærlega að Mourinho vildi nú ekki gera mikið úr því. „Það eru enn 35 leikir eftir, þrír segja ekkert.“

mbl.is
Fleira áhugavert
Fleira áhugavert