Newcastle United hefur ákveðið að John Carver muni stýra liðinu út tímabilið og félagið hefur frestað því að ráða eftirmann Alan Pardew þar til í sumar.
Carver var ráðinn tímabundið sem stjóri Newcastle eftir að Pardew yfirgaf félagið til þess að taka við stjórninni hjá Crystal Palace. Carver mun stjórna liðinu í þeim 16 leikjum sem það á eftir að spila á leiktíðinni.
Newcastle hefur ekki gengið neitt sérlega vel undir stjórn Carvers en það hefur spilað fjóra leiki, hefur tapað þremur og gert eitt jafntefli.