United tapaði fyrir Paris SG (myndskeið)

Paris SG hrósaði sigri á Alþjóða knattspyrnumótinu með því að leggja Manchester United að velli, 2:0, í úrslitaleik í Chicago í Bandaríkjunum í nótt að íslenskum tíma.

Parísarliðið gerði út um leikinn í fyrri hálfleik. Blaise Matuidi skoraði fyrra markið á 25. mínútu og það síðara skoraði Svíinn Zlatan Ibrahimovic níu mínútum síðar þegar liðið tætti í sig vörn Manchester-liðsins, sem var ekki sannfærandi í leiknum.

Þetta var fyrsti tapleikur Manchester United á undirbúningstímabilinu en liðið mætir Tottenham í fyrsta leik ensku úrvalsdeildarinnar þann 8. ágúst.

• Blogga um frétt