Emile Heskey samþykkti nýjan árssamning við Bolton Wanderers í dag. Þetta kemur fram á heimasíðu félagsins.
Trukkurinn Heskey gekk til liðs við Bolton í desember síðastliðinn, um svipað leyti og Eiður Smári. Hann lék 18 leiki og skoraði eitt mark. Eiður Smári, sem lék 21 leik og skoraði 5 mörk fyrir Bolton, ákvað ekki að framlengja við Bolton eins og flestum er kunnugt en hann gekk til liðs við Shijiazhuang í Kína.