Sir Alex segir Moyes enn rétta manninn

Sir Alex Ferguson, fyrrum knattspyrnustjóri Manchester United, segir það ekki hafa verið mistök af sér að fá David Moyes til þess að taka við liðinu þegar hann settist í helgan stein á sínum tíma.

Moyes var rekinn eftir aðeins átta mánuði í starfi, en þrátt fyrir það segir Ferguson að hann hafi gert rétt með því að falast eftir kröftum hans. „Við gerðum eins vel og við gátum í þessum aðstæðum og völdum réttan mann,“ sagði Ferguson, sem lét af störfum eftir 26 ár fyrir rúmum tveimur árum.

Moyes er nú stjóri Real Socieadad á Spáni þar sem Alfreð Finnbogason er samningsbundinn, en hann er sagður hafa hafnað því að taka við Sunderland sem nú leitar að nýjum stjóra.

• Blogga um frétt