Gary Lineker sparkspekingur á BBC og fyrrverandi leikmaður Leicester City hefur verið rækilega minntur á færslu sína á twitter frá því í desember.
Þar sagðist Lineker að hann myndi stjórna fyrsta þætti sínum, Match of the Day, á næstu leiktíð á nærbuxunum einum klæða ef Leicester yrði Englandsmeistari.
Lineker skrifaði færsluna eftir 2:1 sigur Leicester gegn Chelsea um miðjan desember en Leicester tryggði sér Englandsmeistaratitilinn í gærkvöld þegar aðalkeppinautarnir í Tottenham gerðu 2:2 jafntefli gegn Chelsea.