Louis van Gaal, knattspyrnustjóri Manchester United, er sagður vilja láta reisa átta metra háa girðingu í kringum æfingasvæði félagsins í Carrington.
Æfingasvæðið má sjá hér að neðan en áætlað er að girðingin fari í kringum fjóra æfingavelli, upphitunarsvæði og þar sem markverðirnir æfa. Þetta kemur fram í frétt Daily Mail.
Louis van Gaal wants 26ft fences to be built around Manchester United's Carrington training ground. [Mirror] #MUFC pic.twitter.com/axzjLQZscI
— MUFC Addiction (@MUFCAddiction) May 6, 2016
Frá því að van Gaal kom til félagsins fyrir tveimur árum síðan hefur hann látið breyta ýmsu á æfingasvæðinu.
Til að mynda hefur hann þegar bannað starfsfólki Manchester United að leggja bifreiðum sínum svo að leikmenn aðalliðsins sjái frá æfingasvæðinu.
Þá hefur hann gengið úr skugga um að grasið á æfingasvæðinu sé nákvæmlega eins slegið og það er á Old Trafford, auk þess sem fljóðljós voru sett upp til æfinga fyrir kvöldleiki.
Að lokum var því starfsfólki sem vinnur á Carrington, sem ekki vinnur þar í tengslum við knattspyrnu, bannað að borða á sama stað og leikmenn.