Ekki jafn verðmætur og Ronaldo eða Messi
Setja bókamerki
Paul Scholes, fyrrverandi miðvallarleikmaður Manchester United, telur að sitt gamla félag borgi of hátt verð ef það greiðir 100 milljónir evra fyrir Paul Pogba.
Hann telur Pogba frábæran leikmann sem myndi bæta leikmannahóp United. Hann sé hins vegar ekki það góður að greiða ætti jafn hátt verð fyrir hann og Cristiano Ronaldo eða Lionel Messi.
„Hann er mjög hæfileikaríkur leikmaður og við lékum talsvert saman,“ sagði Scholes en Pogba yfirgaf United fyrir fjórum árum og gekk til liðs við Juventus.
„Hann er búinn að standa sig vel og bæta sig mikið síðan hann var hjá United. Hins vegar þyrftirðu leikmann sem skorar 50 mörk á tímabili til að réttlæta þetta verð, mann eins og Ronaldo eða Messi. Ég tel Pogba ekki 100 milljóna evra virði,“ bætti Scholes við.
Tveir í bílnum sem lenti utan vegar
Gígbarmurinn hækkað frá því í gær
Kostnaður meiri en milljón á fermetra
„Höfum ekki náð að skríða upp úr þeirri gryfju“
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss