Leikmenn veðjuðu á eigin leiki

Harry Redknapp, sem stýrt hefur Bournemouth, West Ham United, Portsmouth, Southampton, Tottenham Hotspur og Queens Park Rangers á knattspyrnustjóraferli sínum, tjáði Daily Telegraph það að leikmenn sínir hafi veðjað á úrslit í leikjum sem þeir sjálfir spiluðu. 

Slík veðmál eru brot á reglum enska knattspyrnusambandsins og leikmönnum er í raun bannað að veðja á leiki í öllum deildarkeppnum enska fótboltans. Ekki kom fram í samtali Redknapp við Daily Telegraph hjá hvaða liði sem Redknapp stýrði leikmennirnir sem stunduðu þessa iðju léku.  

• Blogga um frétt