Kvöldið var ekki gott fyrir Íslendingaliðin Cardiff og Fulham í ensku B-deildinni í knattspyrnu. Bæðin liðin töpuðu útileikjum 1:0.
Cardiff heimsótti toppliðið Brighton & Hove Albion og lék landsliðsfyrirliðinn Aron Einar Gunnarsson allan leiktímann á miðjunni hjá Cardiff. Brighton er í efsta sæti deildarinnar með 60 stig en Cardiff í 16. sæti með 33 stig.
Ragnar Sigurðsson sat á varamannabekk Fulham þegar liðið tapaði fyrir Reading. Fulham er í 9. sæti með 40 stig en Reading í 3. sæti með 49 stig.