Vincent Kompany, fyrirliði Manchester City, verður ekki klár í slaginn fyrir leikinn gegn Mónakó í Meistaradeild Evrópu í knattspyrnu á morgun.
Kompany hefur verið frá vegna meiðsla meira og minna síðan í nóvember, eftir að hafa verið áður mikið frá vegna meiðsla í byrjun tímabils.
„Hann verður klár gegn Huddersfield,“ sagði knattspyrnustjórinn Pep Guardiola á fréttamannafundi í dag, en City mætir Huddersfield í FA-bikarnum í næstu viku.