Kanté og Alli sköruðu fram úr

N'golo Kanté, leikmaður Chelsea, var valinn besti leikmaður keppnistímabilsins í ensku úrvalsdeildinni í knattspyrnu karla, í kjöri leikmanna deildarinnar, en tilkynnt var um kjörið við hátíðlega athöfn í kvöld.

Kanté hefur leikið afar vel inni á miðsvæðinu hjá Chelsea sem trónir á toppi deildarinnar með 75 stig og er fjórum stigum á undan Tottenham Hotspur þegar sex umferðir eru eftir af deildinni.

Dele Alli, leikmaður Tottenham Hotspur, var svo valinn efnilegasti leikmaður deildarinnar. Þetta er annað árið í röð sem Alli hlýtur þessa nafnbót, en hann hefur skorað 16 mörk fyrir Tottenham Hotspur í deildinni á leiktíðinni. 

• Blogga um frétt