Tíu leikmenn United héldu jöfnu

Anthony Martial með boltann en til varnar Pablo Zabaleta er …
Anthony Martial með boltann en til varnar Pablo Zabaleta er til varnar á Ethiad í kvöld. AFP

Markalaust jafntefli varð niðurstaðan í borgarslag Manchester City og Manchester United sem áttust við í ensku úrvalsdeildinni í knattspyrnu á Ethiad-vellinum í kvöld.

Manchester United lék manni færri síðustu 10 mínútur leiksins eftir að Belganum Marouane Fellaini var vikið af velli fyrir að skalla Sergio Agüero í andlitið.

Manchester City réð ferðinni lengst af leiksins en náði ekki að skora gegn grönum sínum sem léku af varfærni nær allan tímann og í seinni hálfleik voru þeir nánast í skotgröfunum.

Manchester City er áfram í fjórða sæti deildarinnar með 65 stig, er stigi á eftir Liverpool, en United er í fimmta sætinu með 64.

Þetta var 24. leikurinn í röð sem Manchester United tapar ekki í deildinni og félagið jafnaði félagsmet frá tímabilinu 2010-11.

Man. City 0:0 Man. Utd opna loka
90. mín. Uppbótartíminn er 6 mínútur.
mbl.is
Fleira áhugavert
Fleira áhugavert