Gylfi Þór Sigurðsson er á meðal varamanna Everton sem mætir Manchester City á útivelli í 2. umferð ensku úrvalsdeildarinnar kl. 19.00. Gylfi gekk í raðir Everton frá Swansea á dögunum og er hann í fyrsta skipti í leikmannahópi liðsins.
Everton borgaði um 45 milljónir fyrir Gylfa og er hann dýrasti leikmaður í sögu félagsins. Það verður að teljast ansi líklegt að Gylfi komi inn á sem varamaður á einhverjum tímapunkti í leiknum.