Rooney er hættur í landsliðinu

Knattspyrnugoðsögnin Wayne Rooney hefur gefið það út að hann sé hættur að leika með enska landsliðinu. Þjálfari enska liðsins, Gareth Southgate, valdi Rooney í liðið fyrir leikina gegn Möltu og Slóvakíu í undankeppni HM. „Hvert skipti sem ég var valinn var mikil forréttindi, en ég held að nú sé tíminn fyrir mig að hætta,“ sagði Rooney um ákvörðunina.

Everton-maðurinn skoraði 53 mörk í 119 landsleikjum, en það síðasta var gegn Íslandi á EM í Frakklandi árið 2016. Rooney var ekki valinn í leiki gegn Skotlandi og Spáni í júní, en hann steig fyrst fram á sjónarsviðið með landsliðinu árið 2003.

Kappinn tilkynnti ákvörðun sína tveimur dögum eftir að hann skoraði sitt 200. mark í ensku úrvalsdeildinni í 1:1 jafntefli Everton gegn Manchester City. Sagði hann eftir leikinn að hann ætlaði að einbeita sér að Everton og að hann yrði í sambandi við Gareth Southgate á næstu dögum: „Ég mun ræða við Gareth Southgate á næstu dögum. Við sjáum hvað gerist.“

Hægt er að lesa yfirlýsingu Rooney í frétt mbl.is: „Nú er tímabært fyrir mig að hætta"

• Blogga um frétt