Kári Árnason og samherjar hans í Aberdeen féllu úr leik í 8-liða úrslitum skosku deildabikarkeppninnar í knattspyrnu í kvöld.
Aberdeen sótti Motherwell heim og mátti sætta sig við 3:0 tap. Kári kom inná sem varamaður á 52. mínútu leiksins.
Aberdeen er í öðru sæti í skosku úrvalsdeildinni, tveimur stigum á eftir meisturum Celtic eftir fimm umferðir. Aberdeen fær kjörið tækifæri til að hefna ófaranna gegn Motherwell á sunnudaginn en þá mætast liðin í deildinni á heimavelli Motherwell.