Knattspyrnusamband Evrópu, UEFA, hefur sektað Everton og Hajduk Split eftir að til óeirða kom á Goodison Park í fyrri viðureign liðanna í umspili um sæti í riðlakeppni Evrópudeildarinnar í síðasta mánuði.
Nokkrir stuðningsmenn króatíska liðsins ruddust inn á völlinn og hentu hlutum inn á hann og þurfti að gera hlé á leiknum í 33 mínútur. Þá voru nokkur sæti á vellinum eyðilögð.
Hadjuk Split þarf að greiða upphæð sem nemur rúmum fimm milljónum króna og Everton var sektað um upphæð sem jafngildir um 1,3 milljónum króna.