Gerðum það sem allir eru að gera í úrvalsdeildinni

„Ég er ánægður með að við réðum við eitthvað sem við höfum ekki gert áður á þessu tímabili sem var að verjast síðustu 20-25 mínúturnar,“ sagði José Mourinho, knattspyrnustjóri Manchester United eftir 1:0 sigurinn á Southampton í gær en Portúgalanum var vísað upp í stúku undir lok leiks.

„Þetta var erfiður leikur í dag,“ sagði Mourinho. „Þeir spiluðu með tvo framherja síðustu 20 mínúturnar og spiluðu beint á þá. Þeir létu á okkur reyna,” sagði Mourinho við BBC.

„Eftir að hafa mistekist að gera út um leikinn vörðumst við. Við gerðum það sem eiginlega allir aðrir í ensku úrvalsdeildinni gera, sem er að spila með fimm varnarmenn,“ sagði Mourinho.

Mourinho var vísað upp í stúku undir lok leiksins í gær fyrir að hafa stigið inn á völlinn. Spurður hvort hann hefði gert það sagði Mourinho: „Nei. Það held ég ekki.” Sitt sýnist þó hverjum, en mynd af atvikinu má sjá hér að neðan. 

Fully behind the referee's decision yesterday to send Mourinho off. Mourinho should have more sense than instigate a pitch invasion 🤣🤣🤣 pic.twitter.com/wesc9u0ffQ

— David (@Spring_steen) September 24, 2017

• Blogga um frétt