Enska úrvalsdeildarfélagið Leicester hefur rekið knattspyrnustjórann Craig Shakespeare úr starfi, en þetta var tilkynnt fyrir skömmu.
Leicester hefur aðeins unnið einn af fyrstu átta leikjum sínum í ensku úrvalsdeildinni og eftir 1:1 jafntefli við West Brom í gærkvöldi er liðið í 18. sæti deildarinnar.
Shakespeare var aðstoðarmaður Claudio Ranieri þegar Leicester varð enskur meistari vorið 2016. Ranieri var rekinn í febrúar í fyrra og þá tók Shakespeare í fyrstu við sem tímabundinn stjóri, áður en hann var ráðinn. Hann skrifaði undir nýjan þriggja ára samning síðasta sumar.