Pogba minnti rækilega á sig
Setja bókamerki
Paul Pogba lagði upp eitt mark og skoraði annað þegar Manchester United vann öruggan 4:1-sigur gegn Newcastle United í 12. umferð ensku úrvalsdeildarinnar í knattspyrnu karla á Old Trafford í kvöld.
Það var raunar Newcastle United sem komst óvænt yfir í leiknum, en Dwight Gayle skoraði með hnitmiðuðu skoti sem fór í stöngina og inn eftir góðan undirbúning hjá DeAndre Yedilin. Adam var hins vegar ekki lengi í paradís hjá Newcastle United.
Pogba, sem var að spila sinn fyrsta leik eftir að hafa meiðst aftan í læri í september síðastliðnum, lagði upp jöfnunarmark Manchester United fyrir Anthony Martial um það 20 mínútum síðar. Pogba sendi góða fyrirgjöf inni á vítateig Newcastle United, Martial stökk þar manna hæst og stangaði boltann í netið.
Næsta mark Manchester United kom svo úr nokkuð óvæntri átt, en Chris Smalling kom liðinu yfir undir lok fyrri hálfleiks. Fyrirgjöf Ashley Young rataði beint á kollinn á Smalling sem var staddur á fjærstönginni og miðvörðurinn stýrði boltanum í netið með skalla sínum.
Zlatan hefur hrist af sér meiðslin
Pogba var svo aftur á ferðinni í upphafi síðari hálfleiks, en hann kom Manchester United í 3:1 þegar hann skoraði þá með skoti af stuttu færi. Marcus Rashford skallaði boltann fyrir fætur Pogba sem gat vart annað gert en að skora.
Romelu Lukaku batt síðan enda á sjö leikja markaþurrð sína fyrir Manchester United þegar hann skoraði fjórða mark Manchester United um miðbik seinni hálfleiks. Lukaku kom sér sjálfur í gott færi og þrumaði boltanum fram hjá Rob Elliot í marki mark Newcastle United.
Til þess að kóróna gott kvöld fyrir Manchester United sneri Zlatan Ibrahimovic inn á völlinn á nýjan leik undir lok leiksins, en hann hefur glímt við hnémeiðsli síðan í apríl fyrr á þessu ári.
Manchester United minnkaði forskot nágranna sinna, Manchester City, sem trónir á toppi deildarinnar. Manchester United situr í öðru sæti deildarinnar með 26 stig eftir þennan sigur, en Manchester City sem vermir toppsæti deildarinnar er átta stigum á undan Manchester United.
| Man. Utd | 4:1 | Newcastle |
|
|---|---|---|---|
| Zlatan Ibrahimovic (Man. Utd) á skot sem er varið | |||
Fjárfestingin 115 milljarðar króna
Mikil skjálftavirkni á landinu áhyggjuefni
„Þögnin er ærandi“
Kvikan virðist nú skiptast til helminga
Benda á Samgöngustofu sem bendir út í heim
Hafa samþykkt kaup fyrir um 9,2 milljarða
Aðeins ein leið fær í Grindavíkurmálum
„Það er skiljanlegt að þolinmæði þeirra sé lítil“