Jóhann Berg Guðmundsson hefur átt frábæra leiktíð fyrir enska úrvalsdeildarliðið Burnley og verið einn besti leikmaður liðsins. Twitter-síða ensku úrvalsdeildarinnar minnti á mikilvægi Jóhanns Berg fyrir Burnley í gær.
Þar kemur fram að þær fimm stoðsendingar sem Jóhann Berg á í deildinni hafa skilað Burnley níu stigum sem er það mesta sem einn leikmaður hefur skilað liðum beint.
Að auki hefur Jóhann Berg skorað tvö mörk í deildinni, gegn Liverpool og Manchester City.
Jóhann Berg og félagar mæta Southampton í dag kl. 15:00.
Johann Berg Gudmundsson's 5 assists this season have been worth 9 points to Burnley, a #PL high #BURSOU pic.twitter.com/EK0uF2RDFz
— Premier League (@premierleague) February 24, 2018